政壇：官場技安怕再站台出醜
早前以一曲《忘不了你》技驚四座官場技安衞生局局長周一嶽，再顯「歌神」本色，博愛醫院慈善餐舞會連唱兩首英文金曲，試圖為自己歌藝大平反，可惜官場技安封號似乎暫時都甩到身，因為有現場觀眾聽完周局長獻唱後，總結評語係「名不虛傳」。
由於政圈傳聞官場技安周局長擅長唱英文金曲多，所以唔少現場觀眾都洗耳恭聽，對周局長充滿期望。點知一曲《 The Twelfth of Never》過後，有未敢回憶聽眾已經覺得係咪嚟錯《歡樂滿東華》？局長粵曲腔口好鬼勁，好似將大家帶番三四十年代嘅日子。
可能一班博愛總理主席係粵曲迷，聽官場技安局長獻唱聽出耳油，一曲過後覺得唔夠喉，再捐 60萬叫周局長「安哥」。
結果非常陶醉於自己歌藝嘅官場技安周局長再開腔，獻唱《（ Everything I Do） I Do It For You》，前後為博愛籌到 120萬，真係一曲值千金，兩曲值萬金。
全站熱搜
留言列表
